مسرحية جزاشرية فكاهية رائعة

لميس : اتقدم يا مغبون وأسمع الكلام الموزون. الفرح والمرح داير حالة.
دوارنا دوار السعادة. معمر بالاطفال و الزهور (القاء شعري).
سعيد: يدخل داير كيتمان حركات .
اسامة : سعيد ... سعيد.
سعيد: ديري حالة .. ديري حالة.
اسامة: ويناها هاذي.
سعيد: معاك يا الخضرة.
اسامة: ياحصراه الماتش قضى عندو عام.
سعيد: 123 فيفا لالجيري.
اسامة: وراهم بقاو ثلاث ايام.
سعيد: على واش .
اسامة عل امتحانات.
سعيد: 123 فيفا الكوبياج.
اسامة: خصارة عليك يا سعيد.
سعيد: ياودي راني نوريلك متخممش قاع.
اسامة: يا سعيد خصارة عليك تكون غشاش.
سعيد: راها قع التلاميذ تغش.
اسامة: بصح الاغلبية راها تراجع وتحضر.
وزيد بزيادة كاين مواد اختبارهم شفوي
سعيد: هذي ساهلة ملا ناكتيفي البلوتوث.
اسامة: راها مزالت الفرصة قدامك.
سعيد: ايييييه فكرتني مزال الفينال تع البارسة .
اسامة: الله يهديك يا سعيد.
سعيد: ياودي راك تتفرج معايا متخممش قع.



دخول يوسف و مروان:
محمد: ساشيات ساشيات....
مروان: بيض طايب بيض طايب....
محمد: اسمع .....انا بقاولي 2 ساشيات.
مروان: وانا بقاولي 2 بيضات.
محمد: ملا بدلي .
مروان: لالا.... اشري عليا ونشري عليك.
محمد: فكرة لاباس بيها انا نتهنا وانت تتهنى.
دخول الاب:
الاب: مروان.... محمد .....محمد مروان.
محمد: بوي..بوي.
مروان: بويك بويك.
الاب: ايا الحساب والسان الطيب... بسم الله. بوشوشة محمد .
محمد: بعت 6 باكيات ساشي فهم 30 الف فايدة ها 28 الف وها الالفين.
الاب: وشنهي هاذي الدراه تبدلت.
محمد: راني مزيا مجبتلكش بلاكا بيض.
الاب: اسمع هاك هذا هو عشاك ... ايا طير عليا.
الاب: الي بعدو. المتانتي مروان.
مروان: بعت 12 بلاكة تع بيض فيها 60 الف فايدة هاذي 59 الف و 80 دورو و 2 ساشيات.
الاب: اويلي ساشيات وش ندير بيهم . اسمع هاك بيعهم ولا كولهم دبراسك انا حاسبني بميا وعشرين دورو.... ايا طير غليا.